Një sherr masiv është regjistruar në ndeshjen gjysëm finale të kampionatit kombëtar të basketbollit U-16, mes Teutës dhe Partizanit në pallatin e sportit “Ramazan Njala” në Durrës.
Sherri ka nisur në përfundim të ndeshjes, ku në finale të kampionatit kishte kaluar skuadra e Teutës.
Gjatë shtërngimit të duarve, një nga lojtarët e skuadrës së Partizanit ka sharë kundërshtarin e tij dhe në këtë moment ka nisur konflikti mes lojtarëve, ku më vonë në fushë janë futur edhe tifozët që ishin prezent.
Është dashur ndërhyrja e efektivëve të policisë, për të ndalur sherrin.
Disa prej personave të përfshirë në konflikt janë shoqëruar në komisariat.
