Një aksident i 4-fishtë me 7 të lënduar u shënua mbrëmjen e sotme në zonën e Plepave në Durrës.
Siç shihet edhe në pamjet e mëposhtme, dëmet materiale janë të rënda.
Ambulanca ka transportuar drejt spitalit të lënduarit, ndërsa policia dhe grupi hetimor kanë nisur punën për zbardhjen e rrethanave të aksidentit.
“Rreth orës 20:10, në lagjen nr. 13 Durrës, në aksin rrugor Plepa-Kavajë, janë përplasur 4 automjete me drejtues shtetasit A. D., G. L., E. M., dhe E. H.
Si pasojë e përplasjes kanë shkuar për kontroll mjekësor në spitalin rajonal në Durrës, 6 shtetas pa probleme për jetën, ndërsa shtetasja Xh. H., 61 vjeçe është transportuar në Spitalin e Traumës në Tiranë, jashtë rrezikut për jetën.”- njofton policia.
