Një sasi me lëndë plasëse është hedhur në afërsi të një lokali në Razëm. Ngjarja ka ndodhur rreth orës 08:50. Si pasojë e shpërthimit të saj janë shkaktuar vetëm dëme materiale.
Lokali është në pronësi të Ferdi Stërkaj, kryetar i PD-së në Malësi të Madhe, ish-kryetar i ish-komunës Shkrel.
“Rreth orës 08:50, në fshatin Razëm, dyshohet se është hedhur lëndë plasëse tek reklama, në afërsi të lokalit të shtetasit F. S. Si pasojë e shpërthimit të saj janë shkaktuar vetëm dëme materiale.”– njofton policia.
Grupi hetimor po kryen veprimet në vendngjarje, për sigurimin e provave, me qëllim identifikimin dhe kapjen e autorit/ve.
