Policia e Kosovës, përmes një njoftimi urgjent iu ka bërë thirrje qytetarëve të saj që ditën e nesërme të shmangin pikat e kalimit kufitar me Serbinë dhe të gjejnë rrugë alternative për të mbërritur në destinacionet e tyre.
Kjo thirrje vjen pasi ditën e nesërme në orën 13:00 në pikën e Jarinjës serbët kanë paralajmëruar mbajtjen e një proteste nën moton “Kosova është Serbi”
Protesta vjen një ditë pasi Asambleja e Përgjithshme në OKB, miratoi rezolutën që njeh gjenocidin e bërë nga ushtria serbe në Srebrenicë gjatë luftës. Protestuesit kanë paralajmëruar se do shprehin mbështetjen ndaj qeverisë serbe dhe presidentit Aleksandar Vuçiç.
