Një shqiptare ka humbur jetën në një aksident tragjik të regjistruar mbrëmjen e djeshme në Fano, në provincën e Pesaros në Itali. Viktima është një 56-vjeçare, identiteti i të cilës ende nuk dihet.
Mediat përtej Adriatikut raportojnë se shqiptarja është përplasur nga një automjet tip “Smart” që drejtohej nga një 35-vjeçare, po ashtu banuese në Fano. Aksidenti raportohet se ka ndodhur në Via VI Strada në Bellocchi, rreth orës 23:15 të së mërkurës.
Gruaja shqiptare ishte duke ecur në anën e djathtë të korsisë para përplasjes. 35-vjeçarja që drejtonte “Smartin” duket se nuk ka arritur të ndalojë në kohë mjetin, duke e përplasur 56-vjeçaren. Përplasja ka qenë aq e fortë saqë shqiptarja ka gjetur vdekjen e menjëherëshme.
35-vjeçarja ka ndaluar mjetin, për t’i dhënë ndihmë shqiptares, si ka thirrur edhe urgjencën mjekësore por ka rezultuar e kotë.
Punonjësit e policisë rrugore të Caglit kanë ndërhyrë menjëherë në vendin e aksidentit. Këta të fundit duket se kanë urdhëruar sekuestrimin e makinës Smart. Më tej, ata i janë nënshtruar 35-vjeçares edhe një test alkooli, e cili duket se ka rezultuar negativ.
