Në orën 21:00 të gjithë sytë e futbolldashëve do të jenë në “Aviva Stadium”, Dublin, aty ku do të luhet finalja e Europa League mes Atalantës dhe Bajer Leverkusen.
Në prag të sfidës janë zbardhur edhe formacionet zyrtare. Tekniku Gian Piero Gasperini i ka rreshtuar italianët me formulën 3-4-2-1, ku në portë është vendosur Musso e para tij Hien, Kolasinac e Berat Gjimshiti në rolin e kapitenit.
Në krahët e mesfushës janë Zappacosta e Ruggeri, me qendrën që mbulohet nga Ederson e Koopmeiners. Më të avancuar janë De Ketelaere e Ademola Lookman, ndërsa në sulm i vetëm është ‘bomberi” italian, Gianluca Scamacca.
Në krahun tjetër, gjermanët rreshtohen me skemën 3-4-3, me portën që mbrohet si zakonisht nga Kovar e para tij janë Tapsoba, Stanisic e Jonathan Tah, Në krahët e mesfushës janë Frimpong e Hincapie, ndërsa qendra mbushet nga “shkatërruesit” Palacios e Granit Xhaka.
Treshja e sulmit plotësohet nga Alex Grimaldo, Amine Adli dhe “diamanti” gjerman, Florian Wirtz.
FORMACIONET ZYRTARE:
