Gjyjkata e Posaçme kundër Korrupsionit dhe Krimit të Organizuar ka vendosur masën e re të sigurisë “arrest me burg” për Emiljano Shullazin, i cili ishte një prej 50 urdhër arresteve të lëshuara në operacionin e fundit nga SPAK. Ai ndodhej në burg për krime të tjera, teksa tashmë i shtohen akuzat.
Në këtë seancë krahas prokurorit Alfred Shehu i pranishëm ka qenë dhe kreu i spak Altin Dumani.
Shullazi nuk ka dhënë sqarime në sallënm e gjyqit, ndërsa avokati i tij ka kërkuar pa përdorshmëri për materialet e Sky dhe Enchro Chat dhe ka mohuar përfshirjen e Shullazit në ngjarjet kriminale.
Nga bisedat e aplikacionit “Sky Ecc”, Shullazi del në komunikimi me Arben Ndokën dhe Ervis Martinajn, ku planifikojnë vrasjen e Durim Bamit.
Më herët gjatë ditës së sotme, GJKKO ka caktuar masën e sigurisë “arrest me burg” dhe për Gjergj Cukalin, Albert Zajan, Enver Divën dhe Besian Xhixhën, po ashtu edhe këta të arrestuar më herët.
SPAK lëshoi 50 urdhër-arreste për të goditur 7 grupe kriminale, ku vetëm 20 prej tyre janë ekzekutuar, teksa pjesë më e madhe prej tyre vazhdojnë të jenë në kërkim. Prej 20 masave të ekzekutuara, një pjesë e tyre ndodheshin në burg, teksa 6 masa janë ekzekutuar jashtë shtetit.
Gjatë kontrolleve në vilat e bosëve të krimit janë gjetur 3 milion euro cash, flori dhe pasuri të tjera në vlerën 4.5 milion euro.
