Ndërsa diskutohej në lidhje me martesat LGBT në emisionin “Review” në Euronews Albania, avokati Altin Hazaizaj tha se feja nuk duhet të ndërhynte në këtë çështje e aq më tepër feja myslimane, e cila sipas tij është një fe pushtuese.
Kjo shprehje e tij bëri që Arben Ramkaj përfaqësues nga qendra ndërfetare,të kërkonte nga aktivisti një ndjesë publike, pasi kjo shprehje e tij diskriminonte rreth 2 miliardë njerëz që i përkasin atij besimi.
Pjesë nga biseda
Altin Hazaizaj: Feja duhet të ketë shumë kujdes kur futet në fushën civile. Feja nuk ka të drejtë të futet në fushën civile, se në atë moment ajo bëhet e goditshme, se vijnë me dogmën 3 mijë vjeçare. Siç është feja myslimane që është fe pushtuese. Po hape kutinë e pandorës do presësh vetëm probleme.
Arben Ramkaj: Avokat duhet të kërkosh një falje publike, se e konsideron fenë islame si fe pushtuese. Ti nuk mund të thuash feja, mund të thuash janë turqit pushtues, por jo feja. Është turp, është feja e dy miliardë njerëz. Unë e kaloj këtë gjë se ishte emocionale, por duhet ti vijë zor për atë që tha. Por perceprimin e strukturës së familjes nuk nda e ndryshon dot ti.
