FSHF rikthen shortin për arbitrat pas shumë vitesh përzgjedhjeje nga një disenjator i caktuar.
Bëhet fjalë për ndeshjen e sotme në orën 20:00 në “Air Albania” mes Partizanit dhe Skënderbeut, që do të përcaktojë edhe finalistin e parë për titullin kampion.
Burime në FSHF tregojnë se në orën 18:00 do të hidhet një short në ambientet e stadiumit dhe kryesori i ndeshjes do të dalë mes katër arbitrave që mbajnë stemën e FIFA-s si Enea Jorgji, Eldorian Hamiti, Juxhin Xhaja dhe Florian Lala.
FSHF ka mbajtur gjithçka “top secret” për gjyqtarin, ndërsa është menduar edhe për një të huaj, por mesa duket i tillë pritet të jetë në ndeshjen e së dielës, Egnatia-Vllaznia.
