Seanca për t’u pyetur ministri i Brendshëm, Taulant Balla në komisionin hetimor parlamentar për vjedhjen e TIMS nisi, por nuk përfundoi.
Kjo për shkak se Balla zotëronte informacione të klasifikuara dhe një pjesë e mirë e anëtarëve të komisionit nuk kishin certifikatë sigurie dhe ai nuk mund të shkelte ligji. Balla u është përgjigjur vetëm disa pyetjeve, që ishin informacione që Ministria e Brendshme i ka dhënë komisioni.
Kryetari i komisionit Ervin Salianji ka propozuar që seanca me Ballën të shtyhet dhe të vazhdohej me dëshmimtarët e tjerë, ku i akuzuari ish-drejtori i TIMS, Ervin Muça ishte duke pritur në godinë, por kjo gjë nuk është pranuar nga socialistët dhe janë larguar nga mbledhja.
Salianji në një prononcim për mediat tha se kjo nuk është pranuar nga socialistët pasi sic tha ai kanë frikë të përballen me të vërtetën.
Salianji: Duhet të vini të paraqiteni aty, ndryshe do shkosh për ndjekje penale. Ishit që të gjithë me media të hapur sesi PS kërkoi që mbledhja të zhvillohej me deputetë që nuk kanë certifikatë sigurie, por mbledhja të jetë e mbyllur. Po këta deputetë thonë që ta shtyjmë mbledhjen se nuk kemi certifikatë sigurie. Ne kemi vendim të ndërmjetëm. Unë nuk e shkel ligjin që PS të mbulojë ndonjë gjë që ka për të mbuluar. Është vendimmarrje e PS, tani u bojkotua nga PS nga frika e përballjes. Dëshmitarët e tjerë po presin në radhë. Ka një vendim të prokurorisë që ka sjellë Ervin Mucën. Duan ta fusin në kalenda për të mos u përgjigjur. Mbledhja është e hapur dhe vazhdimi i mbledhjes bëhet sipas ligjit. Kush nuk e respekton në do depozitojmë në SPAK për personat që braktisin detyrën.
Meqe ministri i Brendshëm ka kërkesë të caktuar dhe thotë që ka informacion të klasifikuar kemi propozuar që ta shtyjmë mbledhjen me ministrin derisa të pajisjen me certifikatë sigurie dhe ta zhvillojmë mbledhjen me dëshmitarët e tjerë. Ata nuk pranojnë, sepse i ka ardhur Muço aty dhe kanë frikë të përballen.
