Presidenti i SHBA, Joe Biden, i propozoi ish-paraardhësit të tij Donald Trump përballjen në dy debate televizive, përkatësisht një në muajin qershor dhe një në shtator.
Propozimi i presidentit, raporton “Fox News”, përfshin negociata të drejtpërdrejta midis fushatave të Bidenit dhe Trump për përcaktimin e rregullave, moderatorëve dhe rrjetit që do të presë krahasimet, duke anashkaluar kështu Komisionin e debatet presidenciale.
Ish-presidentit Trump, Biden i propozon edhe një debat mes kandidatëve për nënpresidentët, një pas konventës republikane dhe një para asaj demokratike.
Nga ana e tij ish presidenti Trump ka pranuar sfidën e presidentit Joe Biden për të zhvilluar dy debate para zgjedhjeve.
“Jam gati dhe i disponueshëm”, tha Trump. “Datat që ata propozuan janë të mira. Kudo. Në çdo kohë. Në çdo vend. Le të shohim nëse Joe mund të arrijë të ngjitet në podium” – ka shkruar ai në rrjetin e tij social, Truth.
