Pasi Aleks Marku mbajti peng fëmijët dhe qëlloi me armë brenda banesës së tij, detaje të reja kanë dalë në dritë për 40-vjeçarit.
Një fqinj i Markut, tha për Euronews Albania se 40-vjeçari kishte pak kohë që po jetonte me fëmijët në atë zone dhe se ishte një person problematik.
Më tej ai tha se Aleks Marku ishte përdorues i lëndëve narkotike dhe keqtrajtonte fëmijët e tij, pasi ishte divorcuar nga gruaja.
“Në orën 1 e gjysmë të natës, ka lënë kalamanin jashtë dhe ka gjuajtur me armë. Ka kaluar plumbi, ka shkuar te hoteli i Qemalit këtu afër. Për fat të mirë u kap nga policia. Ishte i droguar e kam parë më përpara. Punë ditësh që ka qenë këtu. Ka qenë i ndarë me nusen dhe i rrihte fëmijët, i torturonte fëmijët. Ishte agresiv, gjuajti disa herë me kallash brenda në shtëpi. E dëgjuan banorët këtu që kanë ndejt pa gjumë gjithë natës”, deklaroi fqinji i Markut.
