Në ditën Ndërkombëtare të Familjes, Presidenti i Partisë së Lirisë Ilir Meta ka deklarua se sekti i “Rilindjes” që i ka shpallur luftë dhe po bën çdo përpjekje për shkatërrimin dhe zhbërjen e vlerave të familjes.
Meta përmes në një statusi në Facebook, shkruan se Rilindja ka axhendë shpopullimin e vendit, dhe se me synon të denatyrojë dhe asgjësojë familjen shqiptare me “Prindi 1 dhe Prindi 2”.
“Ky është vendi shqiponjave dhe ne kurrë nuk do të lejojmë të kthehet në tokën e insekteve pa identitet”, shkruan më tej presidenti i PL-së.
Postimi i plotë:
Dita Ndërkombëtare e Familjes e gjen familjen shqiptare më të rrezikuar se kurrë nga sekti i “Rilindjes” që i ka shpallur luftë dhe po bën çdo përpjekje për shkatërrimin dhe zhbërjen e vlerave të saj.
Ky është sulm kundër identitetit kombëtar sepse ky është thelbi i axhendës së qëllimshme të “Rilindjes” për shpopullimin e Shqipërisë.
Është kjo rrymë çnjerëzore që duke tentuar në mënyrë kriminale dhe antikombëtare për të shndërruar vendin në një fermë laboratorike të internacionales së surrogacisë.
“Rilindja” sot ngjason me një re të rrezikshme karkalecash që u është turur me oreks të papërmbajtur të korrave dhe bereqetit për t’i shfarosur.
Kështu është sjellë “Rilindja” për 11 vite me shqiptarët, familjet e tyre dhe me pasuritë publike e natyrore të Shqipërisë.
Ky është vendi shqiponjave dhe ne kurrë nuk do të lejojmë të kthehet në tokën e insekteve pa identitet.
Për ne Familja ka qenë e shenjtë dhe do të mbetet e shenjtë!
E mbështes fuqimisht forcimin e rolit dhe vlerave të Familjes, si dhe do të vijoj të promovoj mbajtjen e shëndoshë të saj.
Shqipëria ka nevojë për më shumë familje të reja dhe të qëndrueshme, për më shumë fëmijë dhe kushte më të mira për mirërritjen dhe edukimin e tyre, për politika më konkrete sociale dhe ekonomike.
Pesë prioritetet e Partisë së Lirisë për 4 milion shqiptarë plus janë “ilaçi” që ndalin shpopullimin, mbrojnë Familjen dhe Kombin!
