Sonte në orën 19:00 luhet finalja e Kupës së Shqipërisë mes Kukësit dhe Egnatias.
Rrogozhinasit vijnë në këtë takim më të avantazhuar teksa kanë 2 edicione që s’njohin shijen e humbjes në këtë kompeticion.
Ata vijnë në finale si mbajtës të trofeut ku sezonin e shkuar mposhtën në finale Tiranën.
Nga ana tjetër, Kukësi, edhe pse ra nga Superiorja, me meritë ka shkuar në finale, duke eliminuar Partizanin dhe Tiranën. Verilindorët luajnë finalen e 5-të, ndërsa trofeun e kanë fituar 2 herë.
Një fakt interesant është që për herë të parë në finalen e këtij kompeticioni ndeshen ekipi i vendit të parë në kampionat me vendin e fundit.
