Një 36-vjeçar është shpallur në kërkim pasi ka qëlluar me armë zjarri ndaj një automjeti të parkuar në Bulqizë.
Burimet bëjnë me dije se policia ka shpallur në kërkim shtetasin e identifikuar Fadil Ternova, ndërsa ka arrestuar një 20-vjeçarin me iniciale S.B, i cili dyshohet se ka ndihmuar autorin e kësaj ngjarje.
Rreth orës 17:30 të pasdites të së hëne në aksin rrugor Bulqizë-Fushë Bulqizë, Fadil Ternova dyshohet se qëlloi me armë zjarri ndaj automjetit të parkuar në pronësi të Afrim Petit.
Fatmirësisht nga ngjarja nuk pati viktima apo të lënduar, ndërsa policia është vënë tashmë në kërkim të autorit.
Njoftimi i policisë:
“Strukturat Hetimore të Drejtorisë Vendore të Policisë në drejtimin e Prokurorisë, në vijim të hetimeve të thelluara për dokumentimin me prova ligjore të ngjarjes së ndodhur ditën e djeshme, ku shtetasi F.T., 36 vjeç, banues në Bulqizë, ka qëlluar me armë zjarri në drejtim të automjetit të parkuar të shtetasit A.P.
Në vijim të veprimeve, është bërë arrestimi i shtetasit Xh.S., 20 vjeç, banues në Bulqizë, i cili ka ndihmuar autorin shetasin F.T., për tu larguar nga vendngjarja.
Ndërkohë vijon puna intensive për kapjen e shtetasit F.T.
Komisariati i Policisë Dibër, referoi materialet në Prokurori ku nisi procedimi penal për shtetasin S.B., 24 vjeç, banues në Peshkopi, pasi gjatë kontrollit fizik i’u gjet një armë e ftohtë (thikë).
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm, Dibër”, thuhet në njoftim.
Lexo edhe:
Të shtënat në Bulqizë/ Sherri nisi në karburant, autori qëlloi me automatik (EMRAT)
