Një ngjarje e rëndë ka ndodhur mesditën e së hënës në Fier.
Një efektiv policie, Novruz Cenalia (28 vjeç), ka mbetur i vrarë pas një konflikti të çastit në fshatin Baltëz.
Siç shihet në pamje, viktima qëndron i shtrirë në tokë pranë Spitalit Memorial Fier. Efektivi ka qenë i veshur me uniformë policie.
Sipas raportimeve të fundit mediatike zbulohet identiteti i autorit të dyshuar të krimit. Bëhet fjalë për shtetasin Asllan Mernica i njohur edhe si “Azgan Mernica” i cili është shpallur në kërkim nga policia. Autori është larguar nga vendi i ngjarjes me një automjet ngjyrë blu.
Çfarë njofton policia?
“Rreth orës 13:15, në fshatin Baltëz, dyshohet se gjatë një konflikti të çastit, shtetasi A. M. ka vrarë me armë zjarri shtetasin N. C., punonjës policie i Forcës së Posaçme “Shqiponja” të DVP Fier, jashtë shërbimi, por i veshur me uniformën e Policisë, pasi shkonte për të marrë shërbimin.
Menjëherë në vendngjarje janë nisur shërbimet e Policisë, Forca Kombëtare e Sigurisë, Reparti Special “RENEA”, të cilat kanë rrethuar zonën dhe vijojnë punën për kapjen e autorit.
Grupi hetimor dhe drejtues të Departamentit të Policisë Kriminale, në drejtimin e Prokurorisë, po punojnë për sqarimin e rrethanave dhe për dokumentimin ligjor të kësaj ngjarjeje”, thuhet në njoftim.
Lexo edhe:
‘Kërcet’ arma në Fier, polici vritet gjatë sherrit. Gjakmarrja pistë hetimi/ EMRI
