Afro 50 mijë protestues kanë mbushur sheshin kryesor të Tbilisit në Gjeorgji si reagim ndaj miratimit të projektligjit i cili i etiketon organizatat jo qeveritare si agjentë të huaj nëse marrin mbi 20 për qind të financimit nga vendet perëndimore.
Protestat panë mijëra njerëz të lëviznin paqësisht nga qendra drejt Parlamentit të Gjeorgjisë, aty ku edhe protestuesit ndaluan me pankarta në duar.
“Ju po e shihni, demonstrata po rritet gjithnjë e më shumë, gjithnjë po bëhet më e madhe. Pushteti filloi të dalë nga kushtetuta. Pra, kjo është përgjigja kur qeveria del nga kushtetuta, njerëzit po shtohen më shumë”.
Shtetet e Bashkuara shprehën shqetësimin e tyre për projektligjin e Gjeorgjisë dhe i bëri thirrje Tbilist që të zgjedhë mes ligjit “të stilit të Kremlinit” dhe ligjit të cilat shprehin aspiratat euroatlantike të njerëzve.
“Jemi të alarmuar për kthimin e prapambetur demokratik në Gjeorgji. Ne qëndrojmë me popullin gjeorgjian”, shkroi këshilltari për sigurinë kombëtare të Shtëpisë së Bardhë, Jake Sullivan në X.
Partia në pushtet, ‘Ëndrra Gjeorgjiane’ thotë se projektligji do të promovojë transparencën dhe sovranitetin kombëtar gjeorgjian.
Sakaq, Bashkimi Evropian, i cili i dha Gjeorgjisë statusin e vendit kandidatit në muajin dhjetor të vitit 2023, ka thënë se ligji do të përbëjë një pengesë serioze për integrimin e mëtejshëm nëse miratohet dhe sipas tij Unioni mund t’ia heqë statusin e vendit kandidat.
