Një ngjarje e rëndë ndodhi mbrëmjen e kësaj të mërkure në Greqi, ku mbeti i vrarë 32-vjeçari shqiptar Roan Brahimi.
Sipas mediave të huaja, bëhet me dije se nga të shtënat me armë zjarri ka humbur jetën Roan Brahimi, i njohur si armik i Ervis Martinajt, ndërsa gruaja ka mbetur e plagosur lehtë.
Emri i Roan Brahimit është i njohur për drejtësinë shqiptare, pasi ai akuzohet si i përfshirë në atentatin ndaj Ylli Brahimit, ku mbeti i vrarë Klisman Preçi, të dy miq të Ervis Martinajt.
Sipas raportit paraprak, atentati ndaj Roan Brahimit ka ndodhur mbrëmjen e së enjtes pas orës 21:30 në rrugën “Messolongiou” në Greqi kur viktima ndodhej në një makinë me një grua. Papritur një motoçikletë ka kaluar makinën dhe një person ka nxjerrë një armë dhe ka nisur të sulmojë automjetin. Hetimet për ngjarjen e përgjakshme janë në zhvillim e sipër, për të bërë të mundur zbardhjen e plotë të ngjarjes.
- Roan Brahimi i dyshuar për vrasjen e Brilant Martinaj
Roan Brahimi po ashtu dyshohet se ka qenë i përfshirë në atentatin ndaj Brilant Martinaj, kushëriri i Ervis Martinajt, ky i fundit rezulton i zhdukur prej kohësh.
Bashkë me Brilant Martinaj humbën jetën dhe dy miqtë e tij, Besmir Hoxha dhe Dikler Vata, të cilët u ekzekutuan egërsisht. Ngjarja kriminale ndodhi më 17 korrik në 2022 në mbikalimin e Fushë-Krujës.
- Roan Brahimiu miqësi me Ramazan Rrajën
Në vitin 2021, Roan Brahimiu shpall në kërkim nga policia shqiptare, pasi së bashku me dy persona të tjerë shkaktuan terror në një lokal në Zejmen të Lezhës. Bashkë me Ramazan Rrajën dhe Alesio Dobrozi, ata u futën të armatosur me kallashnikov duke kërkuar pronarin, ngjarje e ndodhur në vitin 2021.
Mbrëmjen e 13 nëntorit të vitit 2021. Ata kërcënuan dhe kryen kontrolle ndaj klientëve, për kartat e tyre të identitetit. Po ashtu, Roan Brahimi rezulton i arrestuar edhe në vitin 2018 në Lezhë, ku iu sekuestruan municione, Euro dhe bizhuteri të dyshuara nga veprimtaria kriminale e vjedhjes.
Do të jenë hetimet ato që do të zbardhin skedat e vjetra të viktimës dhe me cilën ngjarje ka lidhje atentati.
Lexo edhe:
EMRAT/ Detaje nga atentati në Greqi, si u ekzekutua çifti shqiptar në sy të fëmijëve
