Teksa pritet që për pak minuta të nisë seanca plenare, jashtë ambienteve të Kuvendit, po zhvillohet një protestë.
Minatorët kërkojnë kushte ekonomike dhe miratimin e statusit të minatorit. Ata kanë deklaruar se pensionet që marrin janë shumë të ulëta dhe nuk u mjaftojnë as për të blerë ilaçe e jo për të jetuar.
“Minatorët duan status duan kushte ekonomike. Ju na keni lënë në mjerim dhe tani po vuajmë. Secili nga ne ka 2-3 palë ilaçe me vete. Pensioni qesharak që na keni dhënë nuk na del as për ilaçe”, tha njëri prej tyre.
