Kategoria e Dytë ka luajtur sot ndeshjet e para play-off për ngjitjen në Kategorinë e Parë, me 8 skuadra që janë zbritur në fushën e lojës për të luajtur shanset e tyre.
Skuadrat pritëse kishin në avantazh të tyre në bazë të rregullores edhe barazimin për të kaluar në fazën tjetër.
Në ndeshjet e sotme, surprizën e ka bërë Sopoti, i cili ka fituar me shifrat 2-0 në fushën e Besëlidhjes në një sfidë të tensionuar ku u dhanë 6 kartonë të verdhë e dy të kuq.
Ndërkohë, me shifrat 2-0 kanë fituar Iliria dhe Shkumbini përkatësisht ndaj Tërbunit dhe Orikut. Ndërkohë, Luftëtarit i ka mjaftuar goli i Zijait për të mundur Butrintin e vazhduar më tej.
Në turin tjetër, Sopoti do të ndeshet me Ilirinë, ndërsa Shkumbini do të përballet me Luftëtarin.
REZULTATET:
BESËLIDHJA – SOPOTI 0-2
ILIRIA – TËRBUNI 2-0
LUFTËTARI – BUTRINTI 1-0
SHKUMBINI – ORIKU 2-0
