Po luhet në “Elbasan Arena” sfida mes Bylisit dhe Elbasanit, një ndeshje e kthyer në festë për të dy skuadrat të cilat kanë siguruar kthimin në elitë.
Sfida që përmbyll sezonin e rregullt në Kategorinë e Parë, për t’i bërë më pas vend play-off, është rënë dakord mes skuadrave që të luhet në Elbasan, ku vendasit duan të festojnë para tifozerisë së tyre titullin kampion të kësaj kategorie dhe kthimin në elitë.
Pjesa e parë është mbyllur 2-1 në favor të ballshiotëve të cilët kanë përmbysur rezultatin. Elbasani shënoi i pari me anë të Bedri Grecës në minutën e 28-të, ndërsa Bylisi përmbysi gjithçka me anë të Peralta Vernaza A. J. (31′) dhe Kibe (42′).
