Për deputetin demokrat Kreshnik Çollaku, protestuesit para Bashkisë së Tiranës po përdoren nga ish-zv.kryeministri Arben Ahmetaj për të goditur politikisht kryebashkiakun Erion Veliaj.
Më tej ai tha se demokratët po përdoren në luftën që po ndodh brenda Partisë Socialiste dhe se ata duhet t’i qëndrojnë larg këtyre skenave.
“Rasti i bashkisë është një rast flagrant, vënia para përgjegjësisë të drejtorëve dhe shkuarja e Veliajt është një histori e rëndë. Duhet mbështetur edhe këtu SPAK që t’i shkojë deri në fund kësaj afere. Është një protestë me një përmbajtje dhe përbërje jo të qartë. Nuk mund ta mohojmë se ka nisur një luftë civile brenda PS. Nuk do doja që opozita të përdoret si mish për top, ata demokratë e besojnë kauzën, por s’do doja të përdoreshin nga skemat e Ahmetajt për të sulmuar Erion Veliajn, as nga lidershipi i Metës që mesa duket është vetë objekti i SPAK, demokratët duhet ti qëndrojnë larg këtyre skenave, loja pushteti mes grupeve të majta, luftës cilivile brenda së majtës”, tha Çollaku.
