Policia e Vlorës ka arrestuar një 41-vjeçar, i cili akuzohet se shpërndante lëndë narkotike kokainë në qytetin bregdetar.
Në pranga është vënë shtetasi Leonard Havaraj, banues në Vlorë, i cili u kap pas informacione të siguruara nga uniformat blu se posedonte droga të forta.
“Gjatë kontrollit në automjetin që ky shtetas drejtonte, shërbimet e Policisë gjetën të fshehura dhjetëra doza të lëndës narkotike kokainë, të cilat dyshohet se i posedonte me qëllim shitjen në lagje të ndryshme të qytetit.” – thuhet në njoftimin e Policisë.
Blutë e Vlorës i kanë sekuestruar 90 doza të lëndës narkotike kokainë, si dhe dy celularë dhe një automjet. Materialet procedurale i kaluan Prokurorisë së Vlorës për veprime të mëtejshme.
