Borusia Dortmund ka bërë zyrtare atë që të gjithë pritnin, lamtumirën e Marko Reus.
Sulmuesit i mbaron kontrata në fund të këtij sezoni dhe klubi ka vendosur që të mos rinovojë me 34-vjeçarin.
Klubi publikoi videon në të cilin futbollisti, nga tribuna e “SIgnal Iduna Park”, shpjegoi vendimi që është marrë për ndërprerjen e bashkëpunimit pas 12 vitesh të kaluara si pjesë e tij.
“Të dashur tifozë të Borusias. Unë kam qenë në gjendje që të luaj në këtë stadium shumë të bukur për 12 vite. I kam kushtuar gjysmën e jetës time këtij klubi. me të mirat dhe të këqijat. Sipas mendimit tim, kishte më shumë të mira. Klubi dhe unë kemi vendosur tashmë që të mos zgjatim kontratën”, shpjegonte Reus në videon emocionuese për tifozët e Borusias, për të cilët ai ka qenë një idhull i vërtetë në këto vite.
Marco Reus luajti në ekipin e të rinjve të Borussia Dortmund nga viti 1995 deri në fillim të 2005 dhe u kthye në BVB nga Mönchengladbach në verën e 2012 si “Futbollisti i Vitit i Gjermanisë”.
Reus ishte një pjesë e rëndësishme e ekipit që siguroi finalen e Ligës së Kampionëve në Londër në 2013 dhe fitoi dy herë Kupën e Gjermanisë në 2021 dhe e ngriti atë si kapiten.
Ylli i sulmit ishte kapiten i ekipit për pesë vjet, nga 2018 deri në 2023. Ai do të mbetet përgjithmonë një nga imazhet e mëdha të klubit. Në 424 ndeshje të deritanishme ai ka shënuar 168 gola dhe ka përgatitur 128 gola të tjerë. Në vitin 2019 ai u votua “Futbollisti i Vitit i Gjermanisë” për herë të dytë.
Reus pritet të largohet si lojtar i lirë gjatë verës, por parashikohet që në të ardhmen të kthehet në një funksion tjetër në radhët e klubit, kur të ketë vendosur të largohet nga fushat e lojës.
