Edhe pse është në zyrat e SPAK ku po merret në pyetje për mega-aferën e inceneratorit të Tiranës, Erion Veliaj ka lënë porosi që godina e Bashkisë të blindohet sa më mirë.
Këto pamje tregojnë se si është ngritur gardhi metalik disa orë përpara protestës ku kërkohet dorëheqja e Veliajt pas disa aferave të njëpasnjëshme në bashkinë e kryeqytetit.
Ndërkohë, struktura metalike është ngulur më vida në tokë që të mos shkulet lehtë nga protestuesit.
Skandali më i fundit është ai i drejtorëve të Veliajt, të cilët kishin hapur një kompani të tyren dhe merrnin tenderat e bashkisë. Kujtojmë se opozita pritet të protestojë sot në orën 16:30.
Disa ditë më parë shoqëria civile së bashku me opozitë protestuan përballë Bashkisë së Tiranës ku kërkuan dorëheqjen e kryebashkiakut Erion Veliaj pas aferës “5D”, ku disa prej drejtorëve të kësaj Bashkie kishin përfituar miliona euro tendera nga kjo bashki apo institucione vartëse të saj me kompaninë e tyre “5D Konstruksion”, që sipas SPAK, pronarët “de facto” të saj ishin Mariglen Qato dhe Redi Molla.
Siç mund të shihni në pamjet më poshtë i gjithë institucioni nën udhëzimin e Erion Veliaj është rrethuar dhe blinduar gjithë zona.
