Mbledhja e Këshillit Bashkiak të Tiranës e njoftuar ditë më parë për t’u mbajtur sot në orën 16.30, nuk u zhvillua sipas metodës së përcaktuar, por me urdhër të Erion Veliajt, u mor modeli i përdorur nga mazhoranca në komisione, ai i diskutimeve online.
Ndërkohë në mbledhje nuk ishin të pranishëm anëtarët e djathtë të cilët protestonin para godinës kundër aferave tashmë të zbuluara dhe që po hetohen nga SPAK.
Në mbledhje nuk ishte i pranishëm as Erion Veliaj, të cilit iu desh të qëndronte rreth 8 orë para prokurorëve të SPAK për të dhënë spjegime për inceneratorët, skemën më të madhe të mashtrimit dhe vjedhjes së parave, taksave të qytetarëve.
Por zëri i opozitë snuk mungoi në mbledhjen online. Anëtarja e Këshillit Bashkiak, Mirela Ruko, doli me tone të ashpra ndaj aferës dhe asaj të cilën ajo e konsideroi një vjedhje të madhe.
Për Rukon, Veliaj nuk ka legjitimitetin pë rtë qëndruar në krye të bashkisë dhe se ai duhet të largohet.
Po kështu ajo deklaroi në mbledhje se brenda bashkisë ka një grup të organizuar criminal dhe Erion Veliaj duhet të vinte përballë këshillti për të dhënë shpjegime për këto vjedhje, për drejtorët e tij të korruptuar dhe se e gjithë Bashkia sipas saj është në ditën më të keqe.
ERION VELIAJ NUK KA MË LEGJITIMITET
Manovra e radhës së Kryesisë së Këshillit Bashkisë të Tiranës pas refuzimit të kërkesave për të pasur si pikë të rendit të ditës; vjedhjet që kanë ndodhur në bashki, ishte mbajtja e mbledhjes online.
Vendosa të marr pjesë në këtë mbledhje online, me foton shoqëruese “Erion Veliaj, shko tek shokët!”
Mora fjalën për të theksuar se kjo mbledhje është e papranueshme, duke qenë se kryesia e mori këtë vendim në momentin e fundit, duke na hequr mundësinë për t’i shprehur shqetësimet tona fizikisht në sallë.
Theksova se pjesë e rendit të ditës duhej të ishin abuzimet dhe skemat korruptive të ndodhura në Bashkinë e Tiranës, madje ofrova dhe propozime që kjo pikë të diskutohej edhe në fund të rendit të ditës, duke i dhënë përparësi qytetarëve që presin të marrin ndihmat ekonomike, bonusin e qirasë, ndihmat finaciare në rast nevoje apo edhe për të miratuar përfituesit e programit të rindërtimit.
Drejtuesja e këshillit bashkiak, Romina Kuko, e përdori fjalën time për të justifikuar veten dhe kryesinë, duke anashkaluar propozimet e mia për rend dite. Kryesia “nuk e sheh” elefantin në dhomë, që lidhet me vjedhjen e 30 milionë eurove në Bashkinë Tiranë.
Në një mbledhje të orkestruar me regji dhe teknikë audioje të kontrolluar, vendosa të dal. Pak minuta më vonë, pjesë e farsës u bë edhe Erion Veliaj, duke e kthyer mbledhjen e këshillit bashkiak në mbledhjen e Partisë Socialiste Tiranë. Ai lavdëroi veten dhe bandën e tij! Ky është dhunim i përfaqësuesve të qytetarëve të Tiranës brenda këshillit bashkiak, duke e transformuar këtë mbledhje në një podium propagande për punën e tij dhe të Ramës.
Kjo është dhuna e shumëfishtë e Erion Veliajt ndaj Tiranës i cili e ka humbur legjitimitetin!
