Gazetarja Anila Hoxha ka dhënë detaje rreth hetimeve për vendosjen e tritolit në derën e banesës së gjyqtarit Tonin Sterkaj në orët e para të mëngjesit të së dielës në Shkodër.
Hoxha tha në emisionin “Top Story” se po hetohen disa pista, ndër to edhe lista e të burgosurve në burgun e Reçit që përfituan nga Amnistia Penale. Ajo shtoi se ka dyshime se autori i vendosjes së lëndës plasëse mund të jetë një ndër personat që ka përfituar nga amnistia por që mund të jetë dënuar nga gjyqtari.
“Kam mësuar se po hetohen disa pista. Një ndër to edhe lista e amnistisë penale e këtij viti ëpr të gjithë shtetasit që u është dhënë liria. Ka dyshime se njëri ndër ta mund të jetë një prej atyre që gjyqtari i Shkodrës e ka shpallur fajtor. Prandaj është kërkuar administrimi i listës për të liruarit nga burgu i Reçit”- u shpreh Hoxha.
