Partizani në volejboll për meshkuj fitoi sot në mbrëmje 3-2 ndaj Tiranës në finalen e tretë play off, duke rihapur garën për titull.
Në Farkë, skuadra e “kuqe” mposhti bardheblutë pas më shumë se dy orësh lojë, në një ndeshje emocionuese.
Tirana për një moment u duke se mund të prekte titullin, kur arriti të rikuperojë një disavantazh pre dy setesh, por në fund u dorëzua në pikët shtesë të setit final.
Për pasojë, gjithcka do të shtyhet për ndeshjen e katërt, pas disa ditësh, ndërkohë që Tirana udhëheq 2-1 me ndeshje.
Partizani nuk ka asnjë shans tjetër vecse të fitojë për të shpresuar ende dhe këtë gjë e tregon në fushë, duke fituar 25-21 e 25-23 dy setet e para.
Tirana “zgjohet” dhe arrin të rikuperojë e rihapë ndeshjen, duke fituar 25-21 e 25-22 dy setet e tjera dhe vendos ekuilibrin.
Seti final është mjaft dramatik, teksa bardheblutë shpërdorojnë një shans për titullin, kur udhëhiqnin 14-13.
Partizani beson dhe ia del mbanë të shënojë tri pikë radhazi, dy në bllok, për të fituar 16-14 setin final dhe krejt takimin 3-2, duke prishur festën e Tiranës.
