Një aksident me pasojë vdekjen është regjistruar pasditen e kësaj të diele në Shirokë të Suharekës në Prizren.
Një makinë është përplasur me një motor e si pasojë kanë humbur jetën dy persona, dhe është plagosur një i tretë.
Ky i fundit sipas policisë vendase është nisur drejt spitalit për ndihmë mjekësore, ndërsa ende nuk dihen shkaqet dhe rrethanat e ngjarjes.
“Një aksident mes një veture dhe një motori ka ndodhur në Shirokë të Suharekës. Janë dy viktima që kanë qenë në motor. Vozitësi i veturës po merr ndihmë shëndetësore në Spitalin e Prizrenit”, thotë në deklaratën paraprake Drejtori i Policisë në Prizren, Faton Aliu.
