Serie A e futbollit në Itali është në raundin e 34. Këtë të dielë gjithçka nisi në 12:30, me Interin që fitoi 2-0 kundër Torinos dhe tashmë po feston titullin e 20-të kampion me rrugët e Milanos që janë mbushur nga tifozët zikaltër.
Për sa i përket sfidës së ditës së sotme, Interi tregoi cilësi dhe nuk e kurseu Torinon duke e mundur 2-0 paçka se një javë më parë zikaltërit siguruan titullin.
Dueli i Milanos ishte historik në Serie A pasi për herë të parë një treshe me arbitre femra vendoste drejtësinë në këtë nivel, me kryesoren Ferrieri Caputi. Golat për Interin u shënuan nga Calhanoglu në minutat 56 dhe 60-të (penallti).
Në minutën e 63 turku i bëri vend Kristjan Asllanit, me shqiptarin që bëri mirë në minutat e mbetura, teksa në fund festa ishte për zikaltërit që festuan suksesin e këtij sezoni me tifozët.
Kjo pasdite është festë për pjesën zikaltër të Milanos, teksa lojtarët po parakalojnë me një autobus të hapur në rrugët e qytetit para tifozëve.
