Prej katër Javësh, “Aleanca për Teatrin”, e mbështetur nga opozita dhe këshilltarët e saj, çdo të premte kanë protestuar përpara Bashkisë Tiranë.
Arsyeja e kësaj proteste është e qartë. Kërkohet dorëheqja e kryebashkialut Erjon Veliaj, drejtorët e të cilit janë përfshirë në një skandal të madh, atë të quajtur afera “5D”, ku të gjitha paratë e taksave të qytetarëve shkonin tek kompanitë e tyre përmes tenderave që organizoheshin nën hundën e të parit të bashkisë.
Anëtarët e Këshillit Bashkiak kanë kërkuar me ngulm të futen në zyrat e bashkisë, një e drejtë e tyre, por nuk janë lejuar. Kanë kërkuar mbledhje urgjente të Këshillit Bashkiak, ku Veliaj të jap përgjigje për të gjitha dilemat dhe skandalet që i kanë ndodhur nën hundë, por sërish nuk janë pranuar. Kanë marrë kundërshtimin nga Veliaj.
Një tjetër protestë është planifikuar të mbahet të martën.
Është dita kur Veiaj ka caktuar të mbajë mbledhjen e radhës të Këshillit Bashkiak.
Tre ditë para kësaj proteste dhe mbledhje të planifikuar prej tij, Veliaj zgjedh të flasë për situatën e krijuar nga protestat, televizionin Report TV, të Carlo Bollinos.
Gjatë intervistës Veliaj është shprehur opozita nuk duhet të protestojë të martën, pasi sipas tij do të prishinin vendimëmarrjet për dhënien e qytetarisë së nderit Ali Ahmetit dhe atë për ndihmën ekonomike.
Veliaj nuk pranon të jap llogari për skandalet, të cilët i konsideron personale dhe se ata që janë nën akuzë do të përgjigjen nëse dalin fajtorë.
Veliaj i konsideron protestuesit stan me lepuj, madje I ka krahasuar edhe me kafshët e kopshtit zoologjik.
“Atë dite ne kemi vendime të rëndësishme, janë kryesisht vendime të ndihmës ekonomike, të shpërndarjes së parave për disa shtëpi që janë djegur aksidentalisht, janë 26 shtëpi për bonus qiraje për tërmetin dhe kemi një vendim të madh, simbolik për dhënien e titullit ‘Qytetar Nderi’ per Ali Ahmetin. Nëse duan të bëhen gazi botës, jo vetëm në Shqipëri, por edhe në rajon, dhe të bllokojnë vendimmarrjen për dhënien e qytetarisë së nderit, Ali Ahmetit, apo të pengojnë ndihmën ekonomike, le ta bëjnë, por di të them se qyteti ka menaxhuar vendimmarrje të Këshillit Bashkiak edhe në pandemi, edhe pas tërmetit, kështu që, një lloj karagjozllëku i tillë nuk pengon jetën e qytetit. Siç thashë, është një stan me lepuj dhe me gjithë insistimin tim që t’i çojmë njerëzit te Kopshti Zoologjik, insistimi i tyre për ta sjellë Kopshtin Zoologjik këtu është e drejtë e tyre, jetojmë në demokraci nuk ka asnjë problem”, u shpreh Veliaj.
