Liverpooli nuk fiton sërish. Skuadra e Jurgen Klopp nuk shkoi më shumë se barazimi 2-2 në Londër përballë West Hamit vendas, pikë që pothuajse nxjerr skuadrën e Klopp nga gara për titullin kampion.
Vendasit shënuan dy gola me kokë. Jarred Bowen zhbllokoi takimin në fundin e pjesës së parë, vetëm pak çaste pasi Luis Diaz ishte ndalur nga shtylla në krahun tjetër.
Ndërkohë që 13 minuta përpara fundit festoi edhe Michail Antonio. Mes tyre dy golat e Liverpoolit. Që përmbysi përkohësisht rezultatin falë golit të Andrew Robertson dhe autogolit të portierit Alphonse Areola.
Pa fat miqtë një minutë përpara fundit, me goditjen e Harvey Elliot që u ndal nga traversa. Përfundimisht 2-2 dhe me këtë rezultat, Liverpool ndodhet tashmë në vendin e tretë me 75 pikë, 2 pikë më pak se Arsenal i vendit të parë që ka 1 ndeshje më pak dhe 1 pikë pas Manchester City-t që ka dy ndeshje më pak.
Klasifikimi:
