Është përshkallëzuar protesta e opozitës dhe Aleancës për Mbrojtjen e Teatrit para Bashkisë së Tiranës.
Ashtu siç në protestën e kaluar, edhe sot protestuesit kanë hedhur disa molotovë drejt godinës së insitucionit. Siç shihet edhe në foto, tymi ka mbuluar pjesën hyrëse të bashkisë, pasi efektivët e Policisë kanë ndërhyrë në moment për t’i fikur ato.
Dera kryesore e Bashkisë së Tiranës është rrethuar me barriera hekuri dhe një kordon policie është stacionuar për të penguar protestuesit që të mësyjnë në ambientet e brendshme të këtij institucioni të qeverisjes vendore. Nga pamjet shihet se efektivët që formojnë kordonin, ndryshe nga tri protestat e mëparshme, këtë herë janë pajisur me maska kundërgazi.
Protestuesit kërkojnë dorëheqjen e kryebashkiakut Erion Veliaj, pasi u arrestuan disa prej drejtorëve të tij në lidhje me aferën “5D’.
