Eliminimi në Kupën e Shqipërisë ndaj Egnatias ka rezultuar fatal për Qatip Osmanin.
Trajneri shqiptar nga Maqedonia e Veriut është shkarkuar nga detyra si trajner i Vllaznisë, teksa lajmin e bën të ditur klubi shkodran në rrjetet sociale.
Së bashku me Osmanin është larguar dhe ndihmësi i tij Bashkim Livoreka. Osmani mori drejtimin e Vllaznisë në tetor të vitit 2023 pas largimit të Migen Memellit.
Osmani arriti të siguronte fitore të njëpasnjëshme, me ardhjen në krye të pankinës, së kuqebluve, mirëpo tanimë aventura e tij mbaroi dhe ndodhi pikërisht, në pikën më të nxehtë të sezonit.
Në kampionat, Vllaznia ka bërë mirë teksa renditet e dyta në kuotën e 52 pikëve.
NJOFTIMI I KLUBIT:
Kf Vllaznia njofton të gjithë opnionin sportdashës se ka mbyllur me mirëkuptim bashkëpunimin me professor Qatip Osmanin dhe po ashtu edhe me zëvendëstrajnerin Bashkim Livoreka. Klubi I falënderon për të gjithë kontributin e dhënë për skuadrën tonë dhe i uron shumë suksese në karrierën e tyre të mëtejshme!
