Dy fëmijë, të moshës 8 dhe 5 vjeç, u vranë dhe 13 të tjerë u plagosën kur një shofere e dehur përplasi makinën e saj në një festë ditëlindje me fëmijë, në Michigan, SHBA.
Aksidenti ndodhi rreth orës 15:00 ditën e djeshme kur një grua 66-vjeçare përplasi automjetin e saj në klubin e varkave Swan Creek, ku fëmijët dhe prindërit e tyre po shijonin një festë ditëlindjeje, tha Sherifi i Qarkut Monroe, Troy Goodnough.
Video tregon fuoristradën blu të gruas duke kaluar me shpejtësi nëpër parkingun e klubit dhe duke u përplasur me murin e pasmë të ndërtesës.
“Një vajzë 8-vjeçare dhe vëllai i saj 5-vjeçar kanë humbur jetën në vendngjarje“, tha policia.
Tre fëmijë dhe gjashtë të rritur u dërguan në spitalet e zonës me helikopterë dhe ambulanca, disa me lëndime të rrezikshme për jetën. Të plagosurve të tjerë u është dhënë ndihma e parë në vendngjarje dhe disa prej tyre janë dërguar në spital me automjete private.
Policia nuk e bëri të ditur identitetin e gruas, por tha se ajo u arrestua me dyshimin se kishte drejtuar mjetin në gjendje të dehur duke shkaktuar vdekjen.
