Max Verstappen arriti “pole position”-in e pestë në pesë garat e para të këtij sezoni, me “tulipanin” holandez, që do të niset i pari të dielën në Çmimin e Madh të Kinës, teksa synon që të shkëputet edhe më tej në renditje për t’ia bërë më të lehtë vetes titullin e katërt radhazi kampion.
Mirëpo, “pole position” i pestë radhazi vjen edhe me rekord për 26-vjeçarin dhe kështu, Verstappen lë pas në renditjen e pilotëve që kanë arritur më shumë “Pole Position” radhazi në startin e një sezoni emra si Senna, Villeneuve, Vettel dhe Hamilton, që janë ndalur në katër “pole position” radhazi.
Tashmë, në garat e ardhshme, Verstappen do të synojë ta shtojë rekordin teksa përpara tij janë Senna me Hakinen me pesë “Pole Position” radhazi nga fillimi i një sezoni, ndërsa me gjashtë është sërish Senna dhe Nigel Mansell teksa rekordin absolut e mban Alain Prost.
Francezi, me Williamsin e tij në vitin 1993 ia doli që të regjistronte kohën më të mirë për plot shtatë garat e para të sezonit , duke parë dominimin e këtij sezoni, edhe Max Verstappen i ka të gjitha mundësitë për ta thelluar rekordin e tij me holandezin që tashmë duket se garon për të vendosur edhe më shumë emrin në histori pasi rivalët duken larg.
