Deputeti i PD-së, Ervin Salianji gjatë një takimi me demokratët në Roskovec është shprehur se në zgjedhjet e ardhme duhet “t’ia tregojmë vendim Edi Ramës dhe Partisë Socialiste. Sipas tij, fitorja vjen duke u takuar me qytetarët, duke qëndruar në këmbë dhe duke i rikthyer të gjithë institucionet te qytetarët.
Gjithashtu, ai deklaroi se si mundet Edi Rama të thotë se është garant i Reformës në Drejtësi, çfarë pune ka ai me të, tha deputeti demokrat, teksa akuzoi se kreu i qeverisë është garanti që të arrestohen kundëlrshtarët politik.
Ai gjithashtu u ndal te taksimi i profesioneve të lira ku tha se qeveria duhet të tërhiqet nga kjo nisë kriminale.
“Ju e dini që Edi Rama dhe PS nuk ka asnjë kujdes për qytetarët, që në asnjë rast të vetëm nuk bën përpjekje të marrë votat duke paraqitur ofertën më të mirë, por të kundërtën e saj. Të gjithë keni nga një familjarë që preket nga taksimi i profesioneve të lira. Vendosja e 30% të tatimit është si ti marrësh shpirtin dhe padiskutim qindra mijëra profesionistë të lirë që janë goditur nga ky taksim, do të bënim ndryshimin, pavarësisht se qëllimi i Edi Ramës është t’i largojë nga vendi. Këtë herë duhet t’ia tregojmë vendim Edi Ramës dhe Partisë Socialiste duke u takuar me qytetarët, duke qëndruar në këmbë dhe duke i rikthyer të gjithë institucionet te qytetarët.
Shikoni pak sesi e përdorin qeverinë dhe pushtetin ditët e fundit. Këtu në këtë Shqipëri njerëz në kërkim nuk i gjen policia, por i gjejnë vrasësit dhe kriminelët që i vrasin në shtëpitë e tyre. Këtu Policia e Shtetit turret të mbrojë korrupsionin qeveritar, duke kapur dhe presionuar protestuesit e opozitës. Asnjë merak nuk duhet të ketë asnjë protestues, asnjë marifet nga drejtuesit e policisë, nuk mund të bëjnë dot presion te demokratët. Rama kishte thënë se kërkon mandat të katërt se do jetë garant i Reformës në Drejtësi. Po çpunë ka Edi Rama me Reformën në Drejtësi? Si qenka garant? Pse për këtë u votua dhe u mbështet nga e gjithë klasa politika dhe ndërkombëtarët, që Edi Rama të jetë drejtuesit? Të urdhërojë arrestimin e kundërshtarëve politikë? Ndërkohë që letrën e GJK e merr e gris dhe e hedh në kosh sikur mos të ishte asgjë. Nga ky moment, duhet të bëjmë gjithçka që të çrrënjosim me themel të keqen. Ajo që na lidh ne si detyrim, është të përballemi me këtë regjim, të krijojmë kushtet për zgjedhje të lira dhe të ndershme si dhe të largojmë Ramën së bashku me çetën e tij. Është e rëndësishme që të jemi në këmbë, të gjithë bashkë të bëjmë të mundur ndryshimin.” – tha Salianji.
Gjithashtu, deputeti demokrat, akuzoi kryebashkiaken e Roskovecit, Majlinda Bufi, se makinat e blera në emër të bashkisë përdoren si taksi droge.
“Pse Edi Rama nuk ka frikë kur rrit taksat fermerëve, rrit sigurimet shoqërore fermerëve, krijon monopole dhe u rrit pesticidet, farat, plehun, etj? Sepse edhe në një zonë që tradicionalisht që e ka quajtur të majtë si Fieri, Rama nuk zgjedh më të mirët te socialistët. Shikoni qarkun e Fierit, Bimbashi i Fierit me dhjetëra procedime penale mbrohet nga Rama nga SPAK. Ky tjetri i Lushnjës, një që kishte bashkë me PS, me drejtuesit kryesorë të PS në burg për korrupsion, Bufi këtu me 100 të zeza. Në vend që të përdorë edhe këtë makinën që e ble në emër të bashkisë që të udhëtojë rehat, e keni parë që i përdorin makinat si taksi droge. Ne nuk mund ti harrojmë këto. Si mund të votohet kryetare bashkie kur makinat e bashkisë janë po këta njerëz problematikë në krye të sistemit dhe krye të bashkive e çdo institucioni publik në këtë vend. Janë njerëz që paguhen nga taksat e qytetarëve por kthehen në shërbëtorë të krimit”, tha Salianji.
