Leipzig nuk gaboi në transfertë ndaj Heidenheim me miqtë që triumfuan me shifrat 1-2. Leipzig hapi llogaritë e sfidës në minutën e 42 me Sesko duke e mbyllur fraksionin e parë në avantazh.
Në të dytin, vendasit reaguan dhe barazuan në të 69-tën me anë të Dovedan. Gjithsesi, Leipzig ia doli të gjente golin e fitores në minutën e 85 pas një kundërsulmi perfekt të finalizuar nga Openda.
Pas kësaj fitoreje, Leipzig mban vendin e katërt me 59 pikë, tre më shumë se Dortmundi që për momentin ka një ndeshje më pak. Në anën tjetër, Heidenheim mbetet në vendin e 10 me 34 pikë.
Ndërkohë, Darmstadt mposhti Koln në transfertë me rezultatin 0-2. Titullar në këtë sukses për Darmastadtin ishte edhe lojtari i kombëtares, Klaus Gjasula që luajti deri në minutën e 43, ku u zëvendësuar për shkak të një dëmtimi.
Gjithsesi, Darmstadt edhe pas kësaj fitoreje mbetet i fundit me 17 pikë duke qenë një hap larg rrëzimit në Bundesliga 2. Në ndeshjet e tjera, Hoffenheim mposhti 4-3, Borussia Moenchengladbach, ndërsa Wolfsburg fitoi 1-0 ndaj Bochum.
Klasifikimi:
