Ashtu siç ishte planifikuar, që prej orës 18:00 ka nisur mbledhja e Komitetit Drejtues Kombëtar të Partisë së Lirisë, në një prej hoteleve të kryeqytetit.
Në momentin kur hyri në hotel, Meta bëri shenjën e dy gishtave lart, teksa iu përgjigj edhe pyetjeve të gazetarëve. Ai e konsideroi si mrekulli mendimin ndryshe në parti, teksa tha se nuk rreikon përçarjen partia, pavarësisht përolasjeve që ai ka me bashkëshorten Monika Kryemadhi.
Gazetari: Z Meta keni bërë stërvitje mjaftueshëm sot sepse është zonja Kryemadhi brenda?
Meta: Është frymëzim i madh për përmbushjen e 5 prioriteteve. Ka ndonjë gjë tjetër brenda?
Gazetari: Monika Kryemadhi, të tjerët janë të gjithë brenda.
Meta: Është mrekulli e madhe që pas 20 viteve në parti ka mendim ndryshe.
Gazetari: A rrezikon përçarje Partia e Lirisë sot?
Meta: Jo, asnjëherë në botë.
Pasi ka hyrë në sallë, Ilir Meta është iu ka dhënë dorën funksionarëve dhe anëtarëve të Partisë së Lirisë, mes tyre dhe bashkëshortes Monika Kryemadhit. Kjo e fundit ka veshur një bluzë me mbishkrimin “Here I Am” (Unë jam këtu).
Në momentin kur Meta u fut në sallë, u drejtua me fjalët “Paskemi mysafirë”, ndërsa Monika Kryemadhi iu përgjigj duke thënë: “Ne jemi të shtëpisë dhe nuk jemi mysafirë”.
Kohët e fundit, Meta dhe Kryemadhi kanë patur përplasjer të ashpra politike, gjë e cila ka sjellë dhe ngrirjen e raportit bashkëkohor, kjo e konfirmuar edhe nga deputetja e Partisë së Lirisë.
Meta ka vendosur që të miratojë një vendim kundër nepotizmit në parti, duke e përjashtuar bashkëshorten nga çdo funksion drejtues në parti.
