Presidentja e Kosovës, Vjosa Osmani ka reaguar në lidhje me vendimin e Asamblesë Parlamentare të Këshillit të Europës të cilët votuan këtë të martë për avancimin e vendit drejt anëtarësimit në KiE.
Në një reagim në rrjetin social “X” Osmani ka falenderuar deputetët e Asamblesë, ndërsa shkruan se zëri i europianëve është dëgjuar!
“ Votimi i sotëm në Asamblenë Parlamentare të Këshillit të Evropës është një dëshmi e përkushtimit tonë për drejtësi, barazi dhe për parimet themelore të demokracisë.
Faleminderit të gjithëve deputetëve të Asamblesë Parlamentare të KiE që votuan pro Kosovës anëtarësimit të Kosovës në Këshillin e Europës sot! Një falënderim i madh për delegacionin tonë dhe të gjithë ata që mbështesin vazhdimisht popullin e Kosovës. Edhe një hap!”, shkruan Osmani.
Fjalën përfundimtare për anëtarësimin e Kosovës tashmë do ta japë Këshilli i Ministrave të Këshillit të Europës në maj.
The voice of Europeans has been heard!
Thank you to each and every @PACE_News Assembly Member who voted in favor of Kosovo’s @CoE membership today!
A big thank you to our delegation and all those continuously supporting the people of Kosovo.
One more step! pic.twitter.com/WEmmpqbZ16
— Vjosa Osmani (@VjosaOsmaniPRKS) April 16, 2024
