Një i moshuar i ka dhënë fund jetës pasditen e kësaj të hëne në Pukë, duke konsumuar fotoksinë.
Policia sqaron se ngjarja ka ndodhur në fshatin Gojan i Vogël, dhe viktimë ka mbetur shtetasi me iniciale N.N 71-vjeç.
“Mbasditen e sotme, shtetasi N. N., 71 vjeç, banues në fshatin Gojan i Vogël, Pukë, dyshohet se ka pirë fotoksinë dhe për pasojë ka humbur jetën”,- thuhet në njoftimin e Policisë.
Nuk dihen ende shkaqet që e kanë çuar të moshuarin drejt aktit ekstrem, sakaq grupi hetimor ka nisur punën për sqarimin e rrethanave dhe dokumentimin e plotë ligjor të ngjarjes.
