Një 35-vjeçare në Kalamata ka përjetuar momente makthi kur është sulmuar nga një burrë që tentoi ta përdhunonte.
Sipas informacioneve nga mediat greke, gjithçka ka ndodhur të dielën (14/4) kur një 29-vjeçar i është afruar vajzës, e cila në atë kohë po kërkonte partnerin e saj në stacionin e trenit në Kalamata dhe i ofroi ta ndihmonte duke i thënë se ai e dinte se ku ishte partneri i saj.
Vajza u bind dhe më pas autori e çoi në një zonë të izoluar të stacionit hekurudhor ku tentoi ta përdhunonte.
35-vjeçarja ka bërtitur dhe ka arritur të shpëtojë. Efektivët e policisë kanë kërkuar autorin dhe për pak kohë e kanë lokalizuar dhe vënë në pranga.
