Kreu i Partisë së Lirisë, Ilir Meta, i ka konsideruar shpifje akuzat që qarkullojnë për të në lidhje me drejtësinë, sipas tij nga patronazhistët dhe lulistët.
Gjatë një interviste për emisionin “Opinion”, Meta zbuloi një bisedë me ish-kryeministrin Sali Berisha që me shumë mundësi i përket vitit 2011. Sipas Metës, Berisha i ka deklaruar në atë kohë se ish-kryeprokurorja Ina Rama kishte marrë urdhër për ta futur në burg.
Meta zbuloi edhe se si i lutej ish kreu i Partisë Demokratike, Lulzim Basha për të shtyrë zgjedhjet lokale, kur ai vendosi të mos futej në to.
“E para nuk e llogaris SPAK-un fare. Më merr një ditë doktori në telefon, isha në Durrës. Më thotë ku je? Në çdo kohë kur je në Tiranë, unë në zyrë jam. I shkova dhe më tha dëgjo mua për atë prokuroren, Ina që ishte në atë kohë. Duhet vëmendje thotë se ajo ka marrë urdhër të të fusë në burg. Po shumë mirë i thash. Po jo tha se ka çu video në Angli.
Doktor qetësoju, ajo e bën të të shqetësojë ty. Unë nga burgu do të të jap më shumë vota se ty për të hequr Ramën nga Bashkia. Edhe sot, të gjitha këto bëhen për të hequr vëmendjen, janë këta patronazhistët që marrin rrogat dhe shpifin gjithë ditën janë edhe këta lulushët.
A e besonit iu kur unë iu thoja që Basha ka shitur zgjedhjet? A e besonit Basha u shtri përdhe dhe tha aman shty zgjedhjet lokale, se i kishin thënë gjermanët ti vagabond mos i përmend më emrin tonë, se u thoshte ma kanë kërkuar gjermanët. Presidenti mori përsipër një përgjegjësi të madhe, ndërsa ai nuk u fut në zgjedhje.” – tha Meta
