Teuta do të sfidojë Skënderbeun në Korçë sot në orën 18:00 për javën e 31-të të Superiores. Durrsakët duan me çdo kusht rikthimin te fitorja pas dy humbjeve rradhazi.
Objektivi kryesor është të sigurojnë direkt qëndrimin në Superiore teksa aktualisht janë në zonën Play-Out me 1 pikë më pak se Laçi.
Nën drejtimin e trajnerit Edi Martini skuadra ka mbyllur përgatitjet intensive dhe i gjithë grupi gëzon shëndet të plotë.
Një lajm fantastik për teknikun që do të ketë një organikë të plotë ku të zgjedhë më të mirët e mundshëm për një ndeshje kaq të rëndësishme.
Në këtë ‘finale’, Tetua hyn vetëm për fitore dhe formacioni pritet të jetë me dy sulmues si Daci e Faust nga minuta e parë. Pjesa tjetër nuk ndryshon me të përhershmit që do të luftojnë për 3 pikët.
