Analisti, Andi Bushati ka komentuar votimin kundër dërgimit në Gjykatën Kushtetuese për shqyrtimin e mandatit të deputetes Olta Xhaçka, për konfliktin e interesit pasi bashkëshorti i saj, Artan Gaçi u shpall investitor strategjik.
Bushati është shprehur se kjo është një situatë e rëndë me të cilën po përballemi sepse pushteti ekzekutiv nuk po pranon që të zbatojë vendimet e drejtësisë.
“Parlamenti u pa qartë që nuk donte të ndëshkohej por as të lihej për gjykim Xhaçka. Akuzat e opozitës i drejtohen republikës së Ramës ku nuk po pyet për reformën në drejtësi. Po ta kthejmë filmin tetë muaj më pas GJK e kishte mundësinë që ta gjykonte në themel zonjën Xhaçka por ajo zgjodhi të luante ping pongun me mazhorancën.
Ashtu si ajo bëri dikur me Beqajn dhe Kokëdhimën GJK detyroi parlamentin që të ja sillte edhe njëherë për gjykim deputeten ku edhe kjo gjykatë është në një pjesë të lojës që të mos bëhet drejtësi. Jemi në një situatë më të rëndë ku pushteti ekzekutiv nuk po pranon që të zbatojë vendimet e gjyqësorit. Jemi në një kaos total ku edhe drejtësia vetë refuzon të bëjë drejtësi dhe gjendemi në këtë situatë absurde ku nuk p marrim vesh nëse do të duhej tu hiqej mandati Olta Xhaçkës.”, tha Bushati per Syri tv.
