Dy shtetas janë arrestuar nga Policia në Tiranë, pasi akuzohen për armëmbajtje pa leje.
Bëhet fjalë për shtetasit Elorjan Tanka dhe Ervin Turtulli. Policia sqaron se gjatë kontrollit në banesën e tyre janë gjetur një kallashnikov dhe katër armë gjahu, si dhe dinamit e lëndë të tjera plasëse.
“U ndalua shtetasi E. T., 44 vjeç, i shpallur në kërkim më parë në kuadër të operacionit “Tempulli 2”, dhe u arrestua në flagrancë shtetasi E. T., 45 vjeç, të dy banues në Tiranë.
Gjatë kontrollit fizik dhe të banesës së 45-vjeçarit, shërbimet e Policisë, i gjetën dhe sekuestruan 5 armë (një armë zjarri kallashnikov, 4 armë gjahu), sasi lënde e dyshuar narkotike kokainë, 1 kg kanabis, krëhra pistolete dhe municion luftarak”,- njofton Policia.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.
