Neritan Sejamini thotë se afera korruptive në Bashkinë e Tiranës, duhet të kthehet në rast studimor dhe të studiohet sepse është unikale, jo vetëm në Shqipëri por edhe në botë.
I ftuar në emisionin “Të Paekspozuarit” në MCN TV, Sejamini tha se kalbëzimi i pushtetit, nuk mund të ndryshohet dhe rregullohet nga drejtësia, por do të kërkojë ndryshim politik.
“Nuk gjen gjëkundi një skemë që të bëhen bashkë drejtorët dhe institucionet, t’i japin çelsat privatit, është e pandodhur. Në këtë kuptim janë gjenial të hajdutërisë, janë hajdutë që kanë vrarë mendjen, çohen dhe mendojnë si do të vjedhin, e kanë përsosur vjedhjen.
Këta duhen studiuar. Bashkia e Tiranës në kohën e zotit Rama, krijoi disa raste studimore edhe në botë, se si ndryshohet qyteti me bojra. Edhe ky rasti i drejtorëve duhet bërë rast studimor, duhet studiuar në shkollë, për të kuptuar si degradon.
E di si e kanë imazhin në publik? Çuna modernë, vishen bukur, flasin për urbanizmin, biçikletat, hiking, biking, krijojnë imazhin e modernëve, vishen pa kollarë, perfekt… Këta kanë vjedhur për një kohë të gjatë, sa kanë hyrë kanë vjedhur. Si ka mundësi një punonjës institucioni sa fillon punë fillon vjedh. Njeriu mëson pak rregullat, shkresat, ligjin, rregulloret, këta jo.
Merr rastin e inceneratorëve, fillon gjithçka nga një njeri anonim dhe bëhet kjo gjë. Jemi në këtë gjë, kemi kalbëzim të një sistemi që jo vetëm nuk lufton krimin, por krimi ka kapur pushtetin. Kemi organizata kriminale brenda vetë shtetit.
Ky lloj kalbëzimi kërkon ndryshim politik, kjo nuk zgjidhet me SPAK.
Kemi shtet të kriminalizuar, gjithë Shqipëria rri, media, intelektualët, dhe kemi 4-5 prokurorë në SPAK dhe presim që ata të shembin këtë gjë”, tha Sejamini.
