Ditën e sotme Oficerja e Sigurisë dhe Drejtoresha e Shkollës së mesme “Feti Vogli” në Tiranë, kanë njoftuar policinë se një nxënës i vitit të tretë në shkollën e tyre ka qenë duke kryer manovra të rrezikshme me automjet në afërsi të shkollës, duke rrezikuar edhe nxënësit e tjerë.
Bëhet fjalë për shtetasin me iniciale L.L 19 vjeç, i cili u arrestua pasi rezultonte nën efektin e lëndëve droguese kokainë.
“Pas verifikimeve të kryera me drogëtestues, ky shtetas rezultoi nën efektin e lëndëve droguese “Cocaine”, si dhe i pa pajisur me leje drejtimi. Sa më sipër, u bë menjëherë kapja në flagrancë dhe arrestim i drejtuesit të automjetit nga policia rrugore e Tiranës, si i dyshuar për veprën penale “Drejtim mjeti në mënyrë të parregullt”“, njofton policia rrugore.
