Eksperti i sigurisë, Fation Softa ka shpjeguar se çfarë është sistemi TIMS.
Ai u shpreh se të dhënat që mund të merren nga ky sistem mund të përdoren për shantazh, ose për të fallsifikuar të dhënat, me synime përfitimi.
Softa tha se masa e sigurisë ndaj drejtorit të IT-së është minimale, duke shtuar se nuk beson kurrë që ndërhyrja në këtë sistem të jetë bërë nga vetëm një person.
Sipas tij, pavarësisht se personi që ka ndërhyrë është drejtor, ka shumë sy dhe veshë që mund të kontrollojnë, ndaj dhe mendoj se ai nuk ka vepruar i vetëm.
“Hetimi do të nxjerrë kush është grupi, sepse mendoj që janë persona që kanë funksione. Mendoj se hetimet do të kryhen nga SPAK, pasi kemi një fenomen me rrezikshmëri të lartë”, tha ai per Syri tv.
Kujtojmë që ditën e djeshme, Prokuroria e Tiranës kërkon “arrest në shtëpi” dhe “pezullim nga detyra” për drejtorin e IT, Ervin Muça i cili akuzohet se eksportoi bazën e të dhënave TIMS të Policisë së Shtetit.
