Skënderbeu do të luajë përballë Teutës ndeshjen e vlefshme për javën e 31 të Kategorisë Superiore.
Sfida që do të zhvillohet në stadiumin “Skënderbeu” të Korçës ditën e shtunë, do të startojë në orën 18:00.
Një ndeshje me histori mes këtyre dy skuadrave, por që më shumë flet në favor të Teutës. E shkuara ‘tremb’ disi korçarët, por megjithatë diferenca është minimale.
Në 48 ndeshje të zhvilluara mes njëra-tjetrës në Superiore, Teuta ka triumfuar në 17 raste, 15 ndeshje kanë përfunduar në barazim, ndërsa skuadra e Skënderbeut ka fituar 16 sfida.
Pra në rast se ekipi i Gvozdenovic do të triumfonte të shtunën, historia do të ishte në baraspeshë totale.
Kujtojmë që objektivat e këtyre ekipeve janë të ndryshme, pasi Skënderbeu është në vendin e 5-të dhe synon “Final Four”, ndërsa Teuta ende gjendet në zonën e ftohtë të renditjes duke luftuar për mbijetesë.
Klasifikimi i Superligës:
